Nadakpan sa kapulisan ang usa ka high-value individual (HVI) nga giila usab nga recidivist sa gihimong buy-bust operation sa Purok 26 Diversion Road, Barangay Ma-a, Davao City, diin nakumpiskar ang mokabat sa 25.70 gramos nga gidudahang shabu nga nagkantidad og 174,760 pesos.
Nahimo ang operasyon pasado alas singko sa hapon niadtong Nobyembre 17, 2026, nga gipangulohan sa Police Station 16 (Ma-a) ubos sa liderato ni PMAJ Philip Dave A. Uddin, inubanan sa koordinasyon sa Philippine Drug Enforcement Agency Region XI (PDEA XI).
Gidayeg ni DCPO City Director PCOL Peter Bauzon Madria ang mga operatiba tungod sa malampusong operasyon ug paspas nga aksyon.
Gipasalig usab niya nga ipadayon sa kapulisan ang mga operasyon nga gibase sa intelligence information isip kabahin sa kampanya aron mapalig-on ang kalinaw ug seguridad ug mahimo nga drug-free ang Davao City.
Photo courtesy: DCPO










