Gidakop sa mga kapulisan sa Matanao Municipal Police Station ang 43-anyos nga amahan nga giila nga si alyas “Jong-Jong,” human giakusahan sa 4 ka kaso sa pagpanglugos sa kaugalingong anak.
Ang suspek, nga nalakip sa Top 4 Most Wanted Person sa tibuok probinsiya sa Davao del Sur, nadakpan sa Sitio Sultana, Barangay Dongan Pekong, Matanao, Davao del Sur.
Gipangulohan ni PCMS Orlando Fuentes ang operasyon ubos sa pagdumala ni PMAJ Romarvin J. Villanueva, Hepe sa Matanao Municipal Police Station.
Gipatuman ang mando sa pagdakop nga giisyu sa Family Court Branch 5 sa Digos City. Walay girekomendar nga piyansa alang sa suspek, nga anaa na karon sa kustodiya sa Matanao Municipal Police Station.










