Gipahigayon ang turnover ceremony sa multipurpose building sa Barangay Igpit, Digos City, nga gilaumang makatabang sa nagkadaiyang kalihokan ug panginahanglan sa komunidad.
Matud ni Congressman John Tracy Cagas sa Davao del Sur, importante nga ampingan ug hatagan og hustong pag-atiman ang maong proyekto aron mapahimuslan pa kini sa umaabot nga mga henerasyon.
Gipasiugda sa kongresista nga ang matag usa lumalabay lamang ning kalibotana, apan ang mga proyekto nga gitukod alang sa katawhan mahimong magpabiling mapuslanon sa umaabot.
Dugang niini, responsibilidad sa matag residente ang pagpanalipod sa mga pasilidad sa gobyerno aron dili mausik ang pondo nga gigahin alang sa kaayohan sa publiko.










