Gitambongan ni Mr. Elvin Hope Romano sa Local Economic Development and Investment Promotion Office (LEDIPO) ang Diskwento Caravan nga may temang “Presyong Panalo para sa Mamimiling Pilipino” nga gipahigayon sa Parkway Monkayo, Davao de Oro.
Ang maong kalihokan usa ka tinuig nga programa sa Department of Trade and Industry (DTI) Davao de Oro nga nagtumong sa paghatag og mas barato ug abot-kayang mga produkto alang sa mga konsumante.
Pinaagi sa programa, makapalit ang publiko og nagkalain-laing produkto ug mga panginahanglanon sa panimalay nga may diskwento gikan sa nag-unang consumer brands. Aduna usab kahigayonan ang mga mamalitay nga makadaog og nagkalain-laing raffle prizes gikan sa Parkway.
Ang Parkway Monkayo nagsilbing partner establishment sa maong kalihokan nga gitumong sa pagtabang sa mga pamilyang Pilipino nga makatagamtam og mas barato nga mga baligya ug makamenos sa ilang gasto sa adlaw-adlaw nga panginahanglanon.
Photo courtesy: Municipality of Munkayo










