Usa ka dakong pasidungog ug kalipay alang sa Juander Radyo Nabunturan 88.5 FM ang pagdawat sa Provincial Media Impact Award – Davao de Oro nga gihatag sa PhilHealth Regional Office XI atol sa ilang 2026 Handog Pasasalamat nga gipahigayon sa Pinnacle Hotel and Suites, Davao City niadtong nakalabay nga adlaw.
Mapasalamaton ang tibuok pwersa sa Juander Radyo Nabunturan tungod sa nadawat pasidungog.
Sa pikas nga bahin gipasalamatan usab ang PhilHealth Regional Office XI sa pag-ila sa kontribusyon sa estasyon isip kaabag sa paghatod sa impormasyon ug mga programa nga may kalabotan sa panglawas ug serbisyo publiko ngadto sa katawhan.
Alang sa Juander Radyo Nabunturan, kini nga award dili lamang usa ka plake nga ibutang sa estasyon, kondili usa ka pahinumdom nga mas dako pa ang responsibilidad nga nagpaabot sa pagserbisyo, paghatod sa hustong impormasyon ug paghatag og tingog sa katawhan.










