Nagpadayon ang pagplano ug pagpatuman sa nagkalain-laing programa ug proyekto sa Barangay Babag, lungsod sa Monkayo, Davao de Oro, isip kabahin sa pagpauswag sa imprastraktura ug pagpalambo sa serbisyo alang sa mga residente.
Pinaagi sa pakighinabi kang Barangay Kagawad Isabelo Candelado, iyang gipahibalo nga daghan pa silang mga proyekto nga ipahigayon sa barangay, ilabina sa pagpaayo sa mga kalsada, kanal ug tulay, ingon man ang regular nga maintenance sa mga pasilidad.
Matod ni Candelado, padayon ang ilang paningkamot sa paggamit sa pondo alang sa mga proyekto ug serbisyo nga makatubag sa mga panginahanglanon sa matag residente sa Barangay Babag.










