Nakab-ot na sa mga nasud nga sakop sa Association of Southeast Asian Nations o ASEAN ang kasabutan alang sa mas lig-on ug konektadong sistema sa kuryente sa rehiyon pinaagi sa ASEAN Power Grid.
Nanguna ang Pilipinas sa mga panaghisgot ug negosasyon nga nagtumong sa pagpalambo sa maong proyekto, nga pormal nang gipirmahan sa tanang miyembrong nasud atol sa ASEAN Summit.
Matud ni Department of Trade and Industry Secretary Ma. Cristina Roque, gilauman nga makatabang ang maong kasabutan sa pagsiguro sa mas kasaligang suplay sa enerhiya ug pagpalig-on sa seguridad niini sa tibuok Southeast Asia.
Ubos sa ASEAN Power Grid, ablihan ang oportunidad sa pagbaligya ug pagpaambit sa suplay sa elektrisidad tali sa mga nasud, lakip na ang cross-border electricity supply, nga gilauman nga makapadasig usab sa kooperasyon ug kalamboan sa ekonomiya sa rehiyon.
Photo courtesy: PCO










