Arestado ang usa ka lalaki sa kapulisan atol sa pagpatuman sa search warrant sa iyang pinuy-anan sa Purok Rising Sun, Barangay Wali, Maitum, Sarangani Province pasado alas 6:32 sa gabii niadtong Nobyembre 15, 2026. Giila ang dinakpan nga si alyas “Abog”, hamtong ang pangidaron ug residente sa nasampit nga lugar.
Gipahigayon ang operasyon sa Maitum Municipal Police Station, SPPO-PIU, 2nd SPMFC ug 1204th RMFB 12 pinaagi sa Search Warrant Number 19-2026 tungod sa paglapas sa Republic Act 10591 o Comprehensive Firearms and Ammunition Regulation Act.
Narekober sa mga operatiba ang usa ka .45 caliber 1911-A1 pistol nga adunay serial number SN-170641, usa ka steel magazine, lima ka live ammunition sa .45 caliber, duha ka live ammunition sa 5.56 millimeter ug duha ka rifle grenade.
Gidala na sa kustodiya sa kapulisan ang suspek alang sa tukmang dokumentasyon ug pagsang-at sa angay nga kaso.










