Nadakpan ang usa ka 37-anyos nga lalaki nga driver sa hiniusang operasyon batok sa ilegal nga droga mga alas 8:40 sa gabii, Nobyembre 14, 2026, sa Purok Upper Lumbia, Barangay Lumbia, Pagadian City.
Gikasa ang operasyon sa mga personahe sa Pagadian City Police Station, kauban ang Zamboanga del Sur Maritime Police Station nga miresulta sa pagkasikop sa nailang Street Level Individual nga residente sa maong syudad.
Narecover gikan sa suspek ang upat ka heat-sealed plastic sachet nga adunay sulod nga gituohang shabu, buy-bust money, coin purse ug usa ka smartphone.
Gidala na ang suspek sa Pagadian City Police Station alang sa hustong disposisyon, samtang gisubmitar na sa Provincial Forensic Unit sa Camp Abelon ang mga nakumpiskang ebidensya alang sa forensic examination.










