Nadakpan ang siyam ka indibidwal sa sunod-sunod nga operasyon batok sa ilegal nga droga ug firearms operations sa Zamboanga del Sur Police Provincial Office, gikan Nobyembre 8 hangtod 15, 2026.
Gipahigayon ang mga operasyon sa Pagadian City ug sa mga lungsod sa San Pablo, Molave, Aurora, Labangan, Tambulig, Tigbao ug Midsalip pinaagi sa buy-bust operations ug pagpatuman sa mga search warrant.
lakip ang duha ka search warrant operations, gihimo sa Mahayag ug Lakewood diin nakumpiska ang gidudahang shabu, mga bala ug uban pang ebidensya bisan nakaipsot ang mga target.
Lakip sa siyam nga nadakpan ang mga bag-ong natala nga Street-Level Individuals o SLI ug usa ka High-Value Individual (HVI). Narekober usab sa kapulisan ang mga sachet sa gidudahang shabu, armas, mga magazine, bala ug drug paraphernalia.
Gidayeg ni ZSPPO Provincial Director PCOL Bonifacio B. Arañas Jr. ang tanang operating units ug partner agencies sa ilang paningkamot batok sa ilegal nga droga ug loose firearms.
Photo courtesy: PNP ZAMBOANGA DEL SUR POLICE PROVINCIAL OFFICE










