Nagkantidad og kapin 669 mil pesos nga mineral ore ug mga kagamitan sa ilegal nga pagmina ang narekober sa hiniusang operasyon sa kapulisan ug militar sa Barangay Limonda, Opol, Misamis Oriental niadtong Nobyembre 14, 2026. Narekober sa mga otoridad ang 208 ka sako sa mineral ore ug 13 ka ball mill drums nga gigamit sa pagproseso sa mineral.
Nadiskobrehan usab nga adunay tulo ka ball mill drums nga nagpadagan sa maong lugar, apan nakalingkawas na ang mga nag-operate niini sa wala pa miabot ang mga otoridad.Walay nadakpan sa operasyon.
Gibutyag ni PRO-10 Regional Director PBGEN Nestor Babagay Jr. nga dili nila tugotan ang ilegal nga pagmina nga makadaot sa kinaiyahan ug sa natural resources.
Ang mga nakuhang ebidensya gitugyan alang sa kustodiya samtang gihulat ang pormal nga turnover ngadto sa Mines and Geosciences Bureau Region 10.
Photo courtesy:PRO-10










