Nahukmang guilty ang unom ka persona human sila nakapatik sa illegal mining operation sa barangay tuburan, Cagayan de Oro City. Gipatawan ang matag usa og 10-thousand pesos nga multa ug laing 10-thousand pesos nga damyos alang sa kinaiyahan sa paglapas sa Philippine Mining Act of 1995, sumala sa hukom sa Municipal Trial Court in cities branch 5 niadtong nobyembre 16.
Gipahikawan usab ang mga akusado sa mga heavy equipment nga gigamit sa illegal mining, nga gibanabana og 45-million pesos ang kinatibuk-ang bili, human gimando sa korte nga i-forfeit kini pabor sa gobyerno pinaagi sa DENR.
Nakumpiska ang mga excavator, dump trucks, trommels, tow trucks, generators ug usa ka crawler truck.
Nahitabo ang pagdakop sa unom ka persona atol sa joint operation sa Mines and Geosciences Bureau Region 10 ug Police Regional Office 10 niadtong Nobyembre 6 sa sitio Pin-as, Barangay Tuburan.
Matod ni PRO10 Regional Director PBGEN Nestor C. Babagay jr., padayon ang ilang koordinasyon sa MGB-10 ug uban pang ahensya aron masiguro nga mapanagutan ang mga molapas sa mga balaod sa kinaiyahan.
Photo courtesy:PRO-10










