Hugot nang gipatuman sa lokal nga panggamhanan sa Impasug-ong ang pagdili sa pag-vlog, pagtambay, ug pagpa-drop off sa Atugan Bridge human sa laing insidente sa pag-ambak sa maong tulay nga mikalas og kinabuhi niadtong Nobyembre 16, 2026.
Gipadayag ni Impasug-ong Mayor Mai Okinlay ang iyang kasubo sa maong panghitabo, ug giklaro nga dugay nang gidili ang pagpatambay sa tulay apan aduna gihapoy mga tawo nga magpabilin sa maong dapit.
Alayon niini, gipahugtan na sa kapolisan ang pag-monitor ug pagbadlong sa mga magpundo sa tungatunga sa Atugan Bridge isip lakang aron malikayan ang susamang insidente.
Giawhag usab ni Mayor Okinlay ang mga nakasinati og depresyon o nag-agi og kalisdanan sa kinabuhi nga dili mag-inusara sa pag-atubang niini, kondili makig-estorya sa ilang mga kasaligang higala o moduol sa gobyerno alang sa giya ug tabang tungod kay ang matag problema adunay kasulbaran.
Photo courtesy: LGU Impasugong










