Nadakpan sa hiniusang operasyon sa kapulisan ang usa ka Top 4 Regional Level Most Wanted Person sa alas-3 sa hapon, niadtong nakalabay nga adlaw, sa Purok 5, Barangay Nato, Esperanza, Agusan del Sur. Ang dinakpan giila lamang sa alyas nga “Elmer,” 31 anyos ug residente sa maong lugar.
Gipahigayon ang operasyon sa Tracker Team sa Esperanza Municipal Police Station kauban ang 32nd Special Action Platoon Company, 1304th Regional Mobile Force Battalion ug Intelligence personnel sa Police Intelligence Team Agusan del Sur, pinaagi sa warrant of arrest nga gipagawas ni RTC Branch 7 Executive Judge Ferdinand Recodo Villanueva niadtong Marso 24, 2026.
Matod ni PLT Rubi B. Calang, OIC sa Esperanza MPS, magpadayon ang ilang hugot nga operasyon aron mapugngan ug masumpo ang kriminalidad sa ilang komunidad.
Gipahibalo na sa dinakpan ang iyang mga katungod ubos sa Miranda Doctrine ug Anti-Torture Law ug anaa na karon sa kustodiya sa Esperanza MPS alang sa tukmang disposisyon.
Photo courtesy: Esperanza Municipal Police Station
