Nakab-ot sa Talaingod Municipal Police Station (MPS) ang dakong kalampusan human kini gideklarar nga Top Performing Unit taliwala sa siyam (9) ka Class “C” Municipal Police Stations sa Police Regional Office 11 alang sa ikatulong kwarter sa 2026.
Gihatag ang maong pag-ila ubos sa Unit Performance Evaluation Rating (UPER), nga nagpakita sa maayong performance sa estasyon sa pagpatuman sa nagkalain-laing programa sa kapulisan ug paghatag og episyente ug epektibong serbisyo ngadto sa publiko.
Personal nga midawat sa award ug recognition si Police Major Jessery Y. Laroa, ang Chief of Police sa Talaingod PNP isip representante sa tanang personnel nga nahimong kabahin sa maong kalampusan.
Gipasiugda sa Talaingod MPS nga ang maong pag-ila resulta sa ilang padayong paningkamot, dedikasyon ug panaghiusa sa pagmintinar sa kalinaw, kahapsay ug kaluwasan sa komunidad. Matud sa Talaingod MPS, dili lamang kini kalampusan sa kapulisan kondili usa usab ka kadungganan nga gipaambit sa tibuok komunidad sa Talaingod.
Photo Courtesy:Talaingod Municipal Police Station| fb page
