Nakadawat og pinansyal nga ayuda nga mokabat sa ₱50,000 matag usa ang napulo ka mga asosasyon ubos sa PADRE Program atol sa gipahigayong ceremonial distribution of checks niadtong milabay’ng adlaw.
Gipangunahan kini ni Mayor Jorjan Federiso ang maong kalihokan, uban si Vice Mayor Pedro Lagumbay Jr. ug ang mga miyembro sa Sangguniang Bayan. Gitumong sa maong pinansyal nga tabang nga makadugang sa puhunan sa mga benepisyaryong asosasyon aron mapalambo ang ilang mga panginabuhian ug negosyo.
Pinaagi niini, gilauman nga mas mapalig-on ang ilang kapasidad sa pagpalambo sa tinubdan sa kita, nga makatabang sa pagsustento sa adlaw-adlaw nga panginahanglan sa ilang mga miyembro.
Kabahin usab kini sa paningkamot sa lokal nga pangagamhanan nga masuportahan ang mga organisadong grupo ug mapalapad ang oportunidad sa panginabuhian sa komunidad. Sa kinatibuk-an, mokabat sa ₱500,000 ang gipang-apod-apod nga pinansyal nga tabang ngadto sa napulo ka asosasyon.
Photo Courtesy: LGU New Corella
