Nanguna ang Tagum City sa tanang component cities sa Mindanao sa kinatibuk-ang lokal nga kita alang sa tuig 2025, base sa datos sa Statement of Receipts and Expenditures (SRE) nga gipagawas sa Bureau of Local Government Finance (BLGF).
Nakapahimutang ang siyudad og lokal nga kita nga mokabat sa ₱1,000,188,681.14 o kapin sa P1 bilyon, nga nagpakita sa lig-on nga kapasidad sa lokal nga panggamhanan sa pagpangolekta ug pagpalambo sa kaugalingong tinubdan sa kita.
Gilauman nga makatabang kini sa pagpadayon ug pagpalapad sa mga programa, serbisyo ug proyekto alang sa mga lumulupyo sa Tagum City, ilabina sa pagpalig-on sa pagdumala sa pondo sa siyudad.
Photo Courtesy: LGU Tagum
