Nasikop sa kapulisan ang usa ka babaye nga giila sa alyas “Marie” pinaagi sa warrant of arrest sa Barangay Poblacion, Esperanza, Agusan del Sur niadtong nakalabay nga adlaw.
Ang maong babaye nag-atubang og kaso nga Malversation of Public Funds Through Falsification of Documents, nga nalangkit sa Article 217 ug Article 171 sa Revised Penal Code.
Gipahigayon ang pagdakop sa mga personahe sa Esperanza Municipal Police Station, pinasikad sa warrant of arrest nga gipagawas sa Regional Trial Court Branch 7 sa Bayugan City niadtong Oktubre 22, 2026. Diin adunay gi-rekomendar ang korte nga 72,000 pesos alang sa iyang temporaryong kagawasan.
Sa pagkakaron ang suspek, anaa na sa kustodiya sa kapulisan alang sa dugang nga imbestigasyon.
Photo courtesy: Esperanza Municipal Police Station
