Naglunsad og hiniusang reach-out ug rescue operation ang Municipal Social Welfare and Development Office (MSWD) ug Philippine National Police (PNP)-Cantilan niadtong nakalabayng adlaw nga gitumong sa mga lugar nga gihimong kapuy-an sa pipila ka Badjao sa lungsod sa Cantilan. Gisugdan ang operasyon human madawat ang mga taho bahin sa kanunay nilang presensya sa mga pampublikong lugar nga daghan og tawo.
Atol sa operasyon, gipangita ug giadtoan sa mga personnel sa MSWD ug PNP ang ilang mga kapuy-an o tulganan, gilimpyohan ang maong mga lugar ug giawhag ang mga hingtungdang indibidwal nga mobalik sa ilang tagsa-tagsa ka lugar nga gigikanan.
Samtang, miapelar ang lokal nga pangagamhanan sa katawhan nga dili maghatag og kwarta o limos sa mga manlimos sa kadalanan, subay sa Presidential Decree No. 1563 o Anti-Mendicancy Law, nga nagdili sa pagpanglimos ug paghatag og limos.
Giawhag usab ang publiko nga makigtambayayong sa pagmintinar sa kalinaw, kahapsay ug kaluwasan sa mga pampublikong lugar sa lungsod sa Cantilan
Photo courtesy: LGU Cantilan
