Opisyal nang nakuha sa lokal nga panggamhanan sa Mabini ang titulo sa yuta nga gitukuran sa Municipal Hall ug sa ubang mga opisina sa munisipyo, human sa 73 ka tuig sukad natukod ang lungsod.
Pinaagi niini, masiguro na ang legal nga pagpanag-iya sa propiedad nga nahimong sentro sa pagdumala ug paghatag og serbisyo publiko sa mga residente sa Mabini.
Ang maong kalampusan resulta sa paningkamot sa administrasyon ni Mayor Emerson Luego ug sa mga hingtungdan sa LGU aron masulbad ang dugay nang isyu kalabot sa pagpanag-iya sa maong yuta.
Dili lamang kini usa ka legal nga dokumento, kondili usa usab ka lakang sa paghatag og seguridad sa propiedad sa lokal nga panggamhanan ug pagpanalipod niini alang sa umaabot nga mga henerasyon.
