Giklaro sa Civil Aviation Authority of the Philippines o CAAP nga false alarm ang unang impormasyon bahin sa giingong pagkahagsa sa commercial plane sa Barangay Sinoron, Sta. Cruz, Davao del Sur.
Base sa opisyal nga pahayag sa CAAP karong Nobyembre 10, 2026, luwas nga nakalanding sa Butuan Airport ang eroplano nga adunay registration number N882TP.
Gikumpirma usab sa ahensya nga nahibaloan na ang nahimutangan sa maong eroplano ug wala kini mahagsa, sukwahi sa unang impormasyon nga mikaylap bahin sa insidente.
