Gipasidunggan ang probinsya sa Davao de Oro isip nag-inusarang probinsya sa tibuok Davao Region nga nakakuha og labing menos 90 porsyento sa Level 3 Key Result Areas ubos sa 2025 Local Health System Maturity Level Assessment sa Department of Health o DOH.
Tungod niini, nakadawat ang probinsya og Platinum Award atol sa Pasidungog 2026 nga gipahigayon kagahapon.
Matud ni Governor Engr Raul Mabanglo, giila sa DOH ang mga kalamboan sa sistema sa panglawas sa probinsya, ilabi na ang pagpalig-on sa serbisyo sa upat ka provincial hospitals ug ang padayon nga paghatag og medikal nga assistance ngadto sa mga pasyente.
Gipasabot usab sa gobernador nga base sa opisyal nga rekord, unang higayon kini nga nakadawat ang Davao de Oro og maong matang sa pasidungog.
Gipakita niini ang paningkamot sa provincial government sa pagpalambo sa kalidad sa serbisyong panglawas alang sa katawhan sa Davao de Oro.
Photo courtesy: wikipedia
