Nakakustodiya na sa estasyon sa kapulisan ang usa ka 43-anyos nga lalaki nga giila sa alyas “Nas” human masakmitan og kalibre .45 nga pistola ug 63.2 gramos sa gituohang shabu nga nagkantidad og ₱429,760 atol sa joint search warrant operation sa Purok 6, Barangay Osias, Kabacan, Cotabato, pasado alas 4:20 sa kaadlawon niadtong Nobyembre 6, 2026.
Narekober sulod sa pinuy-anan sa suspek ang usa ka pistola nga walay serial number, usa ka magazine, upat ka bala ug pito ka sachet sa gituohang shabu. Gipahigayon ang operasyon sa Kabacan MPS, kauban ang 1st ug 2nd CPMFC ug CPPO-PDEU.
Nag-andam na ang kapulisan sa pagpasaka og kaso batok sa suspek tungod sa posibleng paglapas sa RA 10591 o Firearms Regulation Act ug RA 9165 o Comprehensive Dangerous Drugs Act.
Photo courtesy: Kabacan MPS
