Gipahibalo ni Impasug-ong Mayor Mai Okinlay ang pagtaas sa cash assistance alang sa mga estudyante sa lungsod, diin ang mga tunghaan sa kolehiyo makadawat na og tag-₱4,000 matag usa.
Gikatakda ang payout sa Nobyembre 14, Sabado, diin gibanabana nga mokabat sa duha ka libo (2,000) ka mga college students ang makabenepisyo nga nagkantidad sa tibuok pondo nga ₱8 million.
Ubos sa bag-ong breakdown sa ayuda, magpabilin sa ₱300 ang madawat sa preschool, kindergarten, ug Grade 1 hangtod Grade 6. Samtang misaka gikan sa ₱300 ngadto sa ₱500 ang alang sa Grade 7 hangtod Grade 10 ug ALS Junior High School. Tag-₱1,000 usab ang mga Grade 11 ug Grade 12 students, samtang ₱300 alang sa Special Needs Education (SNED)
Gidasig ni Mayor Okinlay ang tanang kwalipikadong estudyante sa pag-apil sa payout ug pag-claim sa gitakdang petsa.
Pahinumdom ni Konsehala Ayki Delarmente, gikinahanglan ang duha ka photocopy sa valid ID sa pag-claim. Alang sa preschool hangtod Grade 6, ID sa ginikanan ang isumite; samtang ang Junior High hangtod Senior High School mahimong mogamit sa ilang student ID o certification gikan sa ilang magtutudlo nga nagpakita sa Learner Reference Number (LRN)
Photo courtesy: Mai Okinlay
