Dead on the spot ang usa ka 18-anyos nga lalaki human aksidenteng mibangga ang gimaneho niyang motorsiklo sa likod nga bahin sa usa ka trailer truck nga natigayon sa kadalanan sa Purok Veterans, Barangay Calumpang, General Santos City,Nahitabo ang aksidente pasado alas-4 sa kaadlawon.
Giila ang biktima sa alyas Marko, 18 anyos ug residente sa General Santos City. Base sa inisyal nga imbestigasyon sa Traffic Enforcemnent Unit Gensan nga, pareho nga gilawig sa duha ka sakyanan ang Calumpang National Highway.
Dihang nisignal ang trailer truck pagsulod sa usa ka planta sa Dole Philippines, apan wala damha nga mibangga sa likod nga bahin niini ang motorsiklo nga gimaneho sa biktima.
Tungod sa kusog nga pagbangga, nakaangkon og grabeng samad sa lawas ang 18-anyos nga drayber nga maoy hinungdan sa iyang hinanaling kamatayon.
Gidala na sa usa ka lokal nga funeral home sa General Santos City ang lawas sa biktima alang sa pagpahiluna.
