Makadawat og kaugalingong pinuy-anan ang baynte ka pamilya nga naapektuhan sa landslide sa Barangay General, Tudela, pinaagi sa ₱8M row housing project sa kagamhanan sa Probinsiya sa Sugbo ug lokal nga pangagamhanan sa Tudela. Kapin upat na ka tuig nga nagpuyo sa tent city ang mga benepisyaryo sukad sa landslide niadtong 2022 atol sa Bagyong Agaton.
Nagpasalamat sab si Tudela Mayor Jojo Solante ngadto kang Gov. Pamela Baricuatro sa pinansyal nga tabang ug nangayo og dugang pondo alang sa ikaduhang hugna sa proyekto aron matabangan usab ang ubang biktima sa landslide.
Gilaoman usab ang pagsugod sa konstruksyon sa duha ka andana nga school building nga adunay upat ka classroom ug magsilbing Barangay General Primary School.
Photo Courtesy: Cebu Province
