Arestado ang isa ka 48 anyos nga lalaki nga ginakabig nga high-value individual ukon HVI sa illegal nga droga, sa buy-bust operation sa Barangay San Antonio, Tacurong City, Sultan Kudarat, sang damlag lang. Ginkilala ang suspek kay Bajonaid Mamalo Salampong Senior, alyas “Banjo,” isa ka tricycle driver kag residente sang Sultan Sa Barongis, Maguindanao del Sur.
Suno kay PLTCOL Nestor M. Maderse, ginpatigayon sang Tacurong City Police Station, sa koordinasyon sang PDEA, ang operasyon banda alas 8:10 sang gab-i sa Purok Ilang-ilang. Nakumpiska sa operasyon ang 11.43 gramos sang ginapatihan nga shabu nga may balor nga yara sa P77, 000.00 suno sa standard drug price.
Ang suspek kag mga ebidensya yara na sa kustodiya sang Tacurong City Police Station para sa dugang nga imbestigasyon kag nagakaigo nga legal nga proseso.
