Nasikop sa Cebu City Police Office (CCPO) ang usa ka 42-anyos nga lalaki nga giila isip Top 2 Most Wanted Person sa regional level tungod sa kasong murder.
Gidakop ang wanted person niadtong sa Barangay San Roque, Cebu City, pinaagi sa warrant of arrest nga gi-isyu sa Regional Trial Court sa Cebu City niadtong Septiyembre 24, 2026.
Gipangulohan ang operasyon ni PLT. Raheemson R. Bahang, Deputy Station Commander sa Police Station 3, ubos sa direktang pagdumala ni PCPT Raymart C. Rabanes, OIC sa maong police station.
Matud sa CCPO, ang suspek residente sa Barangay Duljo-Fatima, Cebu City ug nadakpan human ipatuman sa mga pulis ang warrant batok kaniya. Gipasidunggan ni Acting City Director PCOL Ricky C. Sumalde ang mga personnel nga miapil sa operasyon ug gihingusgan ang pagpadayon sa mga legal ug tukmang pamaagi sa pagpangita ug pagdakop sa mga wanted person.
Photo Courtesy: Waterfront Police Station 3, Cebu City Police Office
