Patay ang usa ka lalaki human gipusil sa wala pa mailhing suspek sa Sitio Ibaan, J. Panis Street, Barangay Kasambagan, Cebu City.
Giila sa kapolisan ang biktima nga si Ricardo Ontong Jr., alyas “Ampre,” nga temporaryong nagpuyo sa maong lugar ug lumad sa Compostela, Cebu.
Matud sa inisyal nga imbestigasyon sa Mabolo Police Station sa Cebu City Police Office (CCPO), nagtindog ang biktima sa maong lugar dihang kalit siyang gipusil sa wala pa mailhing suspek gamit ang armas nga wala pa matino ang kalibre.
Padayon ang imbestigasyon sa kapolisan, lakip ang pagrepaso sa mga CCTV footage ug pagpangutana sa mga testigo aron masayran ang suspek ug motibo niini sa pagpamusil.
Photo courtesy: Cebu City Police Office
