Arestado ang usa ka 58 anyos nga lalaki human maserbisyohan og warrant of arrest sa Purok Aguinaldo, Barangay Poblacion, Imelda, Zamboanga Sibugay, alas 1:30 sa hapon niadtong Septiyembre 30, 2026.
Sumala sa Imelda Municipal Police Station, ang tracker team maoy nanguna sa pagdakop sa suspek, nga usa ka minyo ug rubber tapper, ug residente sa Gandiangan, Imelda, Zamboanga Sibugay.
Ang pagdakop gihimo pinaagi sa warrant of arrest alang sa kasong Statutory Rape Through Sexual Intercourse, ikaduhang count. Gibutyag usab sa kapulisan nga walay piyansa nga girekomendar alang sa maong kaso.
Sa pagkakaron, anaa sa kustodiya sa Imelda MPS ang nadakpan samtang gihulat ang pagbalik sa warrant ngadto sa korte nga nag-isyu niini ug ang pagpagawas sa corresponding commitment order alang sa hustong disposisyon.
Photo courtesy: Shutterstock
