Gi-aprobahan sa Department of Transportation o DOTr ang pagtaas sa pamasahe sa public utility vehicles o PUV, nga ipatuman sugod Lunes, Septiyembre 28. Lakip niini ang minimum fare sa traditional jeepney nga mosaka gikan 13 ngadto sa 14 pesos, modern jeepney gikan 15 ngadto sa 17 pesos, ug ordinary city bus gikan 13 ngadto sa 15 pesos. Mosaka usab ang plete sa air-conditioned buses, provincial buses, airport taxis, TNVS ug P2P buses.
Gimandoan sa DOTr ang LTFRB nga siguruhong naka-post ang bag-ong fare matrix sa sulod sa mga pampublikong sakyanan ug padayong ipatuman ang mandatory discounts alang sa mga estudyante, senior citizens ug PWDs.
Ang fare hike gi-aprobahan tungod sa pagsaka sa operating costs sa mga operator, samtang nagpadayon ang pagsaka sa presyo sa fuel ug ang hulga sa nationwide transport strike sa Septiyembre 29 ug 30.
Photo courtesy: Assistance.ph
