Personal nga gidawat ni Rechele Caporte, Lourdes Cantomayor ug Rebecca Ansinop ang tabang pinansyal gikan sa mga miyembro sa Juander Radyo Loyalista Incorporated North Cotabato Chapter.
Nakadawat ang matag usa kanila og P3,000.00, isip death assistance human mitaliwan ang ilang mga minahal sa kinabuhi sa miyembro sa maong hugpong.
Dili matugkad sa pulong ang pagpasalamat sa pamilya sa Mitaliwan sa mga tawo nga mitabang ug mipakita sa ilang pagkabuotan sa panahon sa ilang kasakit. Matod nila, ang matag suporta nga ilang nadawat nahimong dakong tabang aron makalahutay sila sa lisod nga panahon ug mapagaan bisan gamay ang mga kabug-at nga ilang gidala human sa pagkawala sa ilang minahal.
