Tingkagol sulod sa prisohan ang usa ka lalaki human nadakpan sa mga otoridad atol sa hiniusang buy bust operation didto sa Purok Magupay 1, Barangay Poblacion, Cateel, Davao Oriental pasado alas 10:15 sa buntag niadtong Setyembre 12, 2026.
Ang dinakpan naila nga si alyas “Tadong”, 25 anyos, ulitawo, usa ka mananagat ug residente sa maong lugar. Nakuha gikan sa suspek ang tulo ka heat-sealed plastic sachet sa gituohang shabu nga gibana banaang mutimbang sa 0.4 gramos ug adunay Standard Drug Price nga P 2,720.00. Samtang nakumpiska usab ang usa ka PHP 500 nga kwarta nga adunay serial number AG5322229 nga buy-bust money.
Ang operasyon gilusad sa mga personahe sa Cateel Municipal Police Station, kauban ang PDEU/SOT DOPPO, PIU DOPPO, 1st DOPMFC ug lain pang mga law enforcement units.
Human madakpan ang suspetsado gipahibalo kini sa iyang mga katungod ubos sa Miranda Doctrine ug dayong gidala sa kustodiya sa kapulisan alang sa tukmang disposisyon ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo Courtesy: Cateel MPS
