ENGKWENTRO TALI SA MILITARY UG NPA SA BAYBAY, ISA PATAY

Patay ang usa ka membro sa Communist Terrorist Group sa Communist Party of the Philippines New People’s Army nga si Ka-Romnick Maurello hingkod ang pangidaron nga naglihok sa isla sa Leyte nga residente sa Samar Island atol sa nahitabong engkwentro tali nasa militar sa Barangay Caridad dakbayan sa Baybay pasado alas 3:00 ang takna sa hapon niadtong nakalabay nga adlaw.

Matod pa ni 93rd Infantry Battalion Lieutenant colonel Celeste Frank Sayson nga nasiplatan sa ilahang kampo ang presensya sa NPA sa bukiran nga bahin sa Caridad diin milusad dayon og operasyon ang militar nga miresulta sa pagbinayluay ug bala ug pagkamatay sa usa sa mga membro sa NPA samtang samdan usab ang tulo(3) ka mga kaubanan niini.

Mimando usab ang buhatan ni 802nd Infantry Brigade Commander Brigader General Pompeyo Alamagro nga maglusad og ikaduhang operasyon aron masota ang kahimtang sa kabukiran sa Baybay.

Narekober karong adlawa ang patay’ng lawas ni Ka-Romnick diin didto usab ang inahan ni Realyn Fuentes Ka-Yen-Yen nga si Helen Nuevo ang inahan sa kaipon sa namatay nga NPA nga kanhi usab membro diin siya nanawagan ngadto sa iyahang anak nga si Yen-Yen nga motahan nalang sa gobyerno aron dili na susamang makasinati sa nahiaguman sa iyahang kaipon.

Mihatag usab og tabang ang lokal nga pagamhanan sa BayBay City ubos sa pagpanguna sa amahan sa naasoy nga dakbayan nga si Mayor Jose Carlos Cari atol sa pagbisita sa pamilya sa namatay gali mibutyag usab kining sulod sa pipila ka dekada karon pa makasinati ang dakbayan nga dunay engkwentro sa militar ug sa NPA.

Sa pagkakaron gibalsamar na ang patay’ng lawas samtang nagpaabot ang militar sa pamilya sa namatay nga anaa sa Samar apan kon walay mokuha sa patay’ng lawas niini ilaha nalang dayon ning ilubong sa daling panahon.