Kritikal ang kondisyon sa usa ka 37-anyos nga lalaki human maaksidente ang iyang gimanehong motorsiklo sa National Highway sa Barangay Bubog, Talisay City, Negros Occidental, niadtong Septiyembre 9,2026. Ang biktima giila sa alyas nga “Jess,” 37 anyos, ug residente sa Barangay Zone 3, Talisay City.
Base sa imbestigasyon sa Talisay City Police Station, gikan sa amihanang bahin ang biktima ug padulong unta sa Bacolod City sa dihang nahitabo ang aksidente. Gituohang nawad-an og kontrol sa iyang gimanehong motorsiklo ang biktima sa dapit sa insidente, hinungdan nga nahitabo ang pagkadisgrasya.
Nakaangkon siya og mga samad sa ulo ug ubang bahin sa lawas ug gidala sa usa ka ospital sa Bacolod City alang sa tukmang medikal nga pag-atiman. Samtang, padayon pa ang imbestigasyon sa kapulisan ug sa inisyal nga impormasyon, self-inflicted accident ang gituohang hinungdan sa insidente.
Photo Courtesy: Talisay City Police Station
