Gipadayag sa Philippine Coconut Authority Davao del Sur–Davao Occidental Provincial Office nga padayon ang pagdawat og mga aplikante alang sa Coconut Scholarship Program.
Matud ni Florence T. Fernandez, Division Chief I sa PCA Davao del Sur–Davao Occidental Provincial Office, padayon ang maong scholarship program pinaagi sa Commission on Higher Education o CHED.
Dugang ni Fernandez, mahimong maka-avail sa programa ang mga kwalipikadong aplikante nga konektado sa mga rehistradong coconut farmers sa National Coconut Farmers Registry System.
Kutob Septiyembre 30 ang pagdawat sa aplikasyon, samtang gikinahanglan nga mamintinar sa scholar ang labing menos 80 percent nga grado.
Gilauman nga pinaagi sa scholarship program, mas daghang kwalipikadong kabatan-onan gikan sa mga pamilyang coconut farmers ang mahatagan og oportunidad nga makapadayon sa ilang pag-eskwela ug makab-ot ang mas maayong kaugmaon.
