Nagapakig-isa ang sang Probinsya Sang Sultan Kudarat sa bug-os pungsod sa pagsaulog sang 126th Philippine Civil Service Anniversary, nga nagapabug-at sa 126 ka tuig nga serbisyo, integridad, kag maayo nga pag-alagad sa publiko subong nga adlaw, Setyembre 7, 2026 sa Isulan Sultan Kudarat.
Ang kasaulogan sa tuig 2026 may tema nga “Bawat Kawani, Lingkod Bayani: Puso, Dangal, at Galing Para Sa Bayan.”
Ang tema isa ka panawagan sa tanan nga katapo sang gobyerno nga magpadayon sa pag-alagad nga may kaluoy, integridad, maayo kag sinsero nga pagtugyan sa publiko.
Ginkilala man sang probinsya ang mga Lingkod Bayani nga nagapakita sang dedikasyon sa paghatag sang serbisyo kag nagabulig sa pagtukod sang mabinatunon, etikal, kag people-centered nga gobyerno.
Gindayaw man ang mga katapo sang gobyerno nga padayon nga nagaserbi sa mga Sultan Kudarateño, nga may makinasing-kasing sa pag-alagad, prinsipyo sa pagtuman sang katungdanan, kag kaayuhan sa paghatag sang epektibo nga serbisyo.
Ang 126th Philippine Civil Service Anniversary ginakabig bilang pagpasidungog sa mga lokal nga katapo nga nagapadayon sa pag-alagad para sa kaayuhan sang mga komunidad kag sang bug-os nga pungsod.
Photo Courtesy: GOV. Datu Pax Ali S. Mangudadato
