Niulbo ang kalit nga grassfire sa Sitio Bacud, Barangay Luna, Dakbayan sa Surigao deli pa lang dogay. Sumala sa report, pasado alas 5:00 sa hapon, niulbo ang dakong kalayo sa lugar,
Sa pakighinabi sa Juander Radyo News Team kang Kapitan Neil Vincent Aldonza, Punong Barangay sa Barangay Luna, iyang na-obserbahan nga halapad ang naapektahan nga kasagbotan sa maong lugar
Gipasidan-an ni Kap Aldonza ang publiko batok sa risgo sa grassfire ilabina sa mga kasagbotan ug kabukiran nga dali ra lamoyon sa kalayo tungod sa epekto sa El Niño.
Nasayran nga taas ang kainit ug uga nga kahimtang sa palibot makadugang sa posibilidad sa pagkaylap sa grass fires. Dugang sa kapitan nga likayan ang paghaling-haling nga resulta usab sa mga hinungdan sa sunog ilabi na kon kini mabiyaan o mapasagdan.
Apil nga likayan ang pagsunog sa sagbot, basura ug uban pang materyales ilabina panahon sa grabeng kainit. Gidasig ang matag usa nga mahimong responsable ug alerto aron malikayan ug mapugngan ang trahedya sa sunog.
