Ta continua si Congressman Jerry “Totong” Perez con el de suyo follow-up na Department of Transportation (DOTr) durante el budget consultation junto con Secretary Atty. Giovanni Z. Lopez, donde ya man focus estos na progreso y funding del New Zamboanga International Airport Project.
Na maga key updates que ya discuti, ya habla que el ₱2.265 billion site acquisition fund ya man download ya na Local Government Unit (LGU) para compra el necesaryo propiedad na maga area del Talabaan–Mercedes. El fondo es servi para na acquisition del site y el necesaryo site development, inclujido el perimeter fence.
Ya saca tambien punto si Congressman Perez na necesidad de man address con el desafio na comprada del identified property, si falya el negocacion na landowner, legal measures inclujido el expropriation el posible enfrenta para asegura continua el proseso en accordance na ley.
Ta dale prioridad si Congressman Perez na-follow-through del maga project que ya principia ya del pasao anyo, para asegura que ta continu este mientra ta serví y ta dale beneficio na maga hente del Ciudad de Zamboanga.
