Padayong gipangita sa Digos City Police Station ang usa ka Person Deprived of Liberty o PDL nga nakaikyas gikan sa Davao Sur Provincial Correctional Security and Management Office sa Barangay Matti, Digos City niadtong Agosto 29, 2026.
Giila ang PDL nga si Edwin Cabagan Daniola, residente sa Purok 6, Upper Bala, Magsaysay, Davao del Sur, nga nag-atubang og kasong robbery. Nasuta nga alas-3:30 sa hapon nadiskubre nga wala na ang maong PDL atol sa mandatory headcount sulod sa pasilidad.
Human sa verification ug imbestigasyon, gikumpirmar nga nakagawas kini gikan sa kustodiya. Gilayon nga gilunsad sa mga awtoridad ang hot pursuit operation aron masubay ug madakpan pag-usab ang maong PDL.
