Dako og kalambigitan ang komunidad sa pagpugong sa krimen, ilabina sa pagmintinar sa kalinaw ug seguridad sa matag barangay, sumala sa National Police Commission (NAPOLCOM) 9.
Matud ni NAPOLCOM 9 Regional Director Atty. Pablito Abad nga dili lamang kapulisan ug mga ahensya sa gobyerno ang adunay responsibilidad sa crime prevention gumikan diha pa lang komunidad mahimo nang mapugngan ang kremin nga pwedi malikayan.
Importante usab matud pa ang aktibong partisipasyon sa mga residente, pribadong sektor, organisasyon ug uban pang stakeholders ang pagpatuman sa mga programa batok sa krimen.
Giawhag usab ang publiko nga mahimong alerto, nga mosumbong dayon sa mga kadudahang kalihokan, ug makigtambayayong sa mga otoridad aron mapugngan ang posibleng mga insidente sa krimen.
Gipahayag usab nga pinaagi sa panaghiusa ug kooperasyon sa nagkalain-laing sektor, mas mapalig-on ang seguridad sa komunidad.
