Arestao si alyas Etong, durante el search warrant implementation del otoridad que ya hace sale el corte del Agosto 27,2026. Con el suspechao ya identifica como si Josilito Tarozza Francisco, 48-anyos hombre y residente del mencionao lugar.
El mencionao operacion ya occuri na sitio campo lourdes, Barangay Dulian, upper bungiao, en este ciudad. Donde exito ya puede confisca con este el un unit de caliber .45 con 5 bala.
Mientrastanto el maga evidencia lo mismo el suspechao ya lleva na ZCPS-3 sangali para el propio despocicion y documentacion y esperansao emfrenta el caso bajo na acto republica numero 10591 o mas conocido el the comprehensive firearms and ammunition regulation act.
