Gipailawom sa lokal nga pangagamhanan sa Compostela ang tanang barangay officials sa surprise drug testing isip kabahin sa kampanya alang sa limpyo ug kasaligan nga serbisyo publiko. Apil sa gipailawom sa drug test ang mga barangay captain, kagawad, IPMR, SK president, barangay secretary ug barangay treasurer.
Matud sa LGU Compostela, ang maong lakang nagtumong sa pagpalig-on sa transparency, accountability ug integridad sa mga opisyal sa barangay.
Gipasiugda nga pinaagi niini, gilauman nga mapalig-on ang pagsalig sa mga Compostelaño sa ilang mga lider ug masiguro ang disiplina ug responsableng pag-alagad sa publiko.
