Gipalig-on sa lokal nga panggamhanan sa Iligan ang koordinasyon uban sa Bureau of Customs pinaagi sa courtesy call ni Intelligence Officer IV Redford Surposa, Intelligence Chief sa BOC alang sa Lanao, Misamis Oriental, Misamis Occidental ug Surigao.
Nahisgutan sa maong panagtagbo ang mas hugot nga pakigbatok sa illegal smuggling sa sigarilyo ug uban pang kontrabando nga mosulod sa dakbayan. Gipasiugda usab ang mas estriktong koordinasyon tali sa LGU ug BOC aron mapanalipdan ang lokal nga ekonomiya ug seguridad sa mga Iliganon.
Gipasalamatan sa lokal nga panggamhanan ang BOC sa padayong pakigtambayayong ug suporta sa mga programa alang sa mas luwas ug mas mauswagon nga Iligan.
