Gipasalig sa Mayor sa Iligan nga dili pasagdan sa City Government ang mga market vendor nga naapektuhan sa sunog, ilabi na sa ilang panginahanglan alang sa puhunan, ayuda ug temporaryong pwesto aron makapadayon pag-usab sa ilang panginabuhian. Kahinumduman nga nasunog ang pipila ka mga tindahan sa Wet Market sa Poblacion, Iligan City, sayo sa kadlawon niadtong Agosto 23, 2026.
Matud sa Mayor, gisusi na sa City Government ang kahimtang sa mga apektadong vendor, samtang andam ang City Social Welfare and Development Office (CSWDO) sa paghatag og ayuda ngadto sa mga naapektuhan.
Gitan-aw usab ang mga temporaryong pwesto sa Fish Section ug Building A aron adunay kapuli nga lugar nga ilang magamit samtang wala pa sila makabalik sa ilang naandan nga pwesto.
Nakigkoordinar usab ang City Government sa Department of Trade and Industry (DTI) alang sa posibleng financing assistance ug uban pang mga programa nga makatabang sa mga vendor sa pagbangon ug pagpadayon sa ilang panginabuhian.
Photo Courtesy: Mayor Freddie Siao
