Pormal nang mipirma ang four-time NBA champion nga si Klay Thompson og duha ka tuig nga kontrata nga nagbalor og $13 million sa Miami Heat, diin aduna kini player option alang sa ikaduhang season. Sa iyang pagbalhin sa Heat, makatambayayong sa 36-anyos nga sharpshooter—nga ikaupat karon sa NBA all-time 3-pointers made list—sila si kanhing Milwaukee Bucks superstar Giannis Antetokounmpo, forward Bobby Portis, ug Tim Hardaway Jr.
Sumala ni Heat President Pat Riley, usa si Thompson sa mga pinaka-iconic nga magdudula sa kasaysayan sa NBA ug mohaom kaayo ang iyang abilidad ug kasinatian sa duha ka tumoy sa court alang sa ilang paggukod og kampiyonato. Gikan si Thompson sa duha ka season nga pagdula sa Dallas Mavericks diin nagtala siya og average nga 12.9 points ug 38.7% sa three-point range, lakip na ang pagpasulod og sobra 200 ka three-pointers sa niaging season.
Dako ang pagsalig sa Miami nga makatabang ang 14-season veteran sa ilang kampanya karong nga season. Nailhan si Thompson sa iyang pagkahimong kabahin sa sikat nga “Splash Brothers” duo kauban si Stephen Curry nga naghatag og upat ka NBA titles sa Golden State Warriors. Taliwala niini, nanggawas usab ang mga balita nga gipanglantawan usab sa Heat nga makuha si Curry gikan sa Warriors
Photo Courtesy:NBA.com
