Gipahigayon kagahapon sa buntag, Agosto 14, 2026, ang Juander Radyo Loyalista orientation sa Barangay Bokong, Labangan, Zamboanga del Sur. Kini nahimo pinaagi sa imbitasyon ni Senior Citizen President Remedios Caliguid aron ipasabot sa mga residente ang katuyuan ug programa sa Juander Radyo Loyalista Incorporated.
Ang Juander Radyo Loyalista usa ka organisasyon nga nagtumong sa pagtinabangay ug paghatag og suporta sa mga miyembro niini. Ubos sa sistema sa organisasyon, ang matag miyembro motampo og 10 centavos kung adunay miyembro nga mamatay, isip porma sa tabang ngadto sa pamilya sa namatyan.
Pinaagi niini, gilauman nga mapalig-on ang panaghiusa ug espiritu sa pagtinabangay sa mga miyembro sa organisasyon.
