Nakumpiska sa kapulisan sa Mainit Police Station ang mga ilegal nga kahoy nga gibanabana mokapin ₱15 mil ang kantidad atol sa anti-illegal logging operation sa Barangay San Jose, Mainit, Surigao del Norte.
Sa nakuhang impormasyon gikan sa Surigao del Norte Police provincial Office, gilusad ang pagronda human makadawat og sumbong ang Mainit PNP gikan sa usa ka concerned citizen kalabot sa illegal nga mga kahoy nga gitapok sa daplin sa dalan.
Giadtoan sa operatiba ug sa ilang pag-abot, ilang nakit-an ang mga hardwood ug pipila ka mga indibidwal nga nagsakay sa motorsiklo nga gituohang naghakot.
Dihang gipangyoan sa dokomento wala sila makapakita og mga permit hinungdan nga gipangdakop kini. Segon ni Provincial Director PCOL Warren E. Dablo, nga padayon ug mas gipahugtan sa kapulisan ang kampanya batok sa mga illegal logging sa lalawigan.
