Nabungkag sa Philippine Drug Enforcement Agency (PDEA) ang drug den sa Purok 4A, Barangay Libertad, Butuan City, atol sa gipahigayon nga search warrant operation niadtong milabay nga adlaw. Gipangulohan ang operasyon sa PDEA Regional Office 13 ug kapulisan.
Dakpan ang suspek nga alyas “Tete,” 28 anyos, drug den maintainer. Nadakpan usab ang tulo pa ka mga indibidwal nga anaa sa maong lugar atol sa operasyon, nga giilang sila alyas Gwynne 24 anyos; alyas Megan 29 anyos; ug alyas Nikki 26 anyos.
Narekober usab ang tulo ka heat-sealed transparent plastic sachets nga adunay gibanabangang 15 gramos sa gituohang shabu. Adunay gibanabangang street value nga P45,000 ug standard value nga P102,000 ang nasakmit nga ilegal nga droga.
Narekober usab ang nagkalain-laing drug paraphernalia, lakip ang disposable lighters, aluminum foil, ug usa ka improvised foil needle. Giatubang sa upat ka mga nadakpan ang posibleng kaso tungod sa paglapas sa Sections 6, 7, 11 ug 12, Article II sa Republic Act 9165 o Comprehensive Dangerous Drugs Act of 2002.
