Opisyal nga giinagurahan sa Department of Agriculture (DA)-Caraga ang Upland Rice Research for Development (R4D) Facility sa Tagbina Research Station sa Tagbina, Surigao del Sur niadtong nakalabayng adlaw.
Ang maong pasilidad nga nagkantidad og ₱2.7 milyon, nga gipondohan sa Bureau of Agricultural Research (DA-BAR), magsilbing sentro sa pagbansay, ug pagpasiugda sa mga teknolohiya alang sa upland rice production sa tibuok Caraga.
Gilauman nga makatabang kini sa pagpalambo sa produksyon sa upland rice pinaagi sa paghatag og bag-ong teknolohiya ug kahibalo ngadto sa mga mag-uuma sa rehiyon.
Ang ribbon-cutting ceremony gipangunahan nila Regional Executive Director Engr. Ricardo Oñate Jr., DA-BAR Director Dr. Cecilia Gascon, RTD Rebecca Atega, RTD Marco Antonio Morido, kauban ang mga lokal nga opisyal sa Tagbina ug uban pang mga opisyal sa DA-Caraga.
